Առաջին օգնությունը, երբ երեխան խեղդվում է

Եթե երեխան հանկարծակի դժվարանում է շնչել, լաց լինել, հազալ կամ խոսել, հնարավոր է, որ նա խեղդվում է: Երեխան կարող է խեղդվել այն ժամանակ, երբ մասնակիորեն փակվում են նրա շնչուղիները, ինչի արդյունքում երեխան դժվարանում է շնչել կամ հազալ: Իմանալով` ինչպես արագ և արդյունավետ մաքրել շնչուղիները, անհրաժեշտության դեպքում էլ վերակենդանացնել երեխային` հնարավոր կլինի փրկել նրա կյանքը: Եթե ձեր երեխան խեղդվելուց նաև հազում է, թույլ տվեք նրան հազալ, քանի որ դա շնչուղիները մաքրելու ամենաարդյունավետ միջոցն է:

 

Ինչպես կարող եք օգնել երեխային խեղդվելու ժամանակ

 

Մաքրել շնչուղիները խցանումից

Պառկեցրեք երեխային ձեր նախաբազկի ողջ երկայնքով այնպես, որ նրա դեմքը լինի դեպի ներքև, գլուխն էլ` առավել ցածր, քան մարմնի մնացած backմասերը:

  • Հինգ անգամ հարվածեք երեխայի թիակներից ներս ընկած հատվածին ձեռքի ափով: Արդյունավետ հարվածներն ամենահարմար օգնությունն են խեղդվելու ժամանակ:
  • Եթե արդեն տեսանելի է խոչընդոտող օտար մարմինը, փորձք հանել այն: Չմտնեք երեխայի բերանի մեջ առանց նայելու, թե ինչ եք անում, քանի որ կարող եք օտար մարմինը հրել ավելի խորը` դեպի շնչուղիները:

 

 

Հինգ անգամ հարվածել կրծքավանդակին

Եթե ձեր երեխան դեռևս չի կարողանում շնչել, պառկեցրեք նրան մեջքի վրա և հինգ անգամ հարվածեք նրա կրծքավանդակին.

  • Երկու մատի բարձիկներով կատարեք սեղմումներ դեպի ներս, ապա դեպի դուրս` դեպի գլուխ:chest1
  • Փորձեք ինքնաբերաբար չկատարել այդ հինգ հարվածները, ձգտեք տեղաշարժել օտար մարինը իր տեղից յուրաքանչյուր հարվածի ընթացքում:
  • Ստուգեք երեխայի բերանը յուրաքանչյուր հարվածից հետո և հեռացրեք օտար մարմինը, եթե այն արդեն երևում է:

 

Եթե չի հաջողվում հեռացնել օտար մարմինը, ապա զանգահարեք շտապ օգնություն` միևնույն ժամանակ շարունակելով վերը նշված գործողությունները:

Եթե հաջողվել է հեռացնել օտար մարմիը, ցանկալի է երեխային տանել բժշկի մոտ այցի, քանի որ հնարավոր է օտար մարմնից մի մասնիկ մնացած լինի երեխայի շնչուղիներում կամ օգնության ընթացքում որոշակի վնաս պատճառած լինեք երեխային ձեր հարվածների ընթացքում:

 

 

Արագ բացահայտեք խնդրի պատճառը

Եթե երեխան խեղդվում է, կիրառեք վերոնշյալ քայլերը` շնչուղիները մաքրելու համար:

Եթե երեխան գտնվում է անգիտակից վիճակում, տվեք նրա անունը բարձրաձայն և նուրբ կտկտացրեք նրա ոտքի տակ:

Եթե երեխան անգիտակից վիճակում է, բայց շնչում է նորմալ,  պահեք նրան կողքի վրա, թեքեք գլուխը կողքի` պահելով այն ավելի ցածր, քան որովայնն է:

 

Եթե երեխան անգիտակից է և դժվարանում է շնչել, կիրառեք հետևալ գործողությունները.

 

Բացեք շնչուղիները

  • Դրեք ձեր մի ձեռքը նրա ճակատին` տանելով գլուխը հետ: Համոզվեք, որ գլուխն ու վիզը գտնվում են մեկ գծի վրա: Մյուս ձեռքի մատով փորձեք բարձրացնել կզակը:
  • Ստուգեք բերանն ու քիթը` օտար մարմինը հանելու համար, եթե այն արդեն տեսանելի է:
  • Ստուգեք երեխայի շնչառությունը 10 վայրկյանը մեկ:
  • Եթե այսքանից հետո երեխան չի շնչում, կատարեք սրտի անուղղակի մերսում` զուգորդելով արհեստական շնչառության հետ միասին:
  • Զանգահարեք շտաք օգնություն:

 

5 Անգամ կատարեք բերան-բերան շնչառություն

  • mouth1Բացեք երեխայի բերանը:
  • Վերցրեք ձեր շրթունքների մեջ երեխայի բերանն ու քիթը:
  • Փչեք երեխայի թոքերի մեջ և ստուգեք, արդյոք երեխայի կրծքավանդակը բարձրանում է շնչառություն տալու ժամանակ:
  • Բերանի մեջ օդ հավաքեք և 10 վայրկյանը մեկ կրկնեք նույն գործողությունը:
  • Երբ կրծքավանդակը սկսի բարձրանալ, դադարեցրեք գործողությունը:
  • Շնչառական գործողությունը կատարեք 5 անգամ:

 

 

Մերսեք կրծքավանդակը 30 անգամ

  • chest1Համոզվեք, որ երեխան գտնվում է ամուր մակերեսի վրա:
  • Տեղադրեք ձեր մատները երեխայի կրծքավանդակի մեջտեղում` մտովի պատկերացնելով մի ուղիղ գիծ երեխայի պտուկների մեջտեղում: Գտեք այդ գծի կենտրոնը և այդ կետից մեկ մատի լայնքի չափով ներքև տեղադրեք ձեր մատը:
  • Կատարեք կտրուկ սեղմումներ կրծքավանդակի մեկ երրորդ խորության չափով:
  • Սեղմեք 30  անգամ` րոպեում հարյուր անգամ սեղման հաճախականությամբ:
  • 30 սեղմումից հետո երկու անգամ տվեք արհեստական շնչառություն:
  • Շարունակեք նույն տեմպով, մինչև շտապ օգնության ժամանելը:

 

Փրկարարական գործողությունները պետք է շարունակել այնքան ժամանակ, մինչև երեխան սկսի շնչել, հազալ, շարժել ձեռքերն ու ոտքերը:

 

Առողջություն երեխաներին:

 

Այս հարցի քննարկումը մասնագետների և ծնողների կողմից կարող եք կարդալ այստեղ `https://www.facebook.com/groups/693854794063217/

Հոդվածի հեղինակ` Լիլիթ Հակոբյան

Օգտագործված աղբյուրը` http://www.babycentre.co.uk/a9298/first-aid-for-choking-an-illustrated-guide

© «merpoqrike.am». կայքի նյութերն արտատպելիս, ամբողջական կամ մասնակի օգտագործելիս` հղումը «merpoqrike.am»-ին պարտադիր է:

 

Share on Facebook0Tweet about this on TwitterShare on Google+0Email this to someone

Leave a Comment